Teri Meri Love Story - hindi romance story

romantic stories collection, all English or hindi romantic stories, long romantic stories in English and hindi. Love stories collection. couple stories..
novel
Silver Member
Posts: 405
Joined: 16 Aug 2015 14:42

Re: Teri Meri Love Story - hindi romance story

Unread post by novel » 17 Oct 2015 14:56

Update 28





wo dekhkar deepa puchhti hain “kyaa hua?”



Aditya “kuchh nahi”



Deepa “bataao bhi”



Aditya “8:30 baj chuke hain”



Deepa “haan fir kya hua?”



Aditya “main soch rha thaa ki aage ek dhaabe par aaloo paraathe bade acche milte hain wahaan khaa rahe hote”



Deepa “to thik hain thodi der baad khaa lenge”



Aditya gaadise bahar jaakar sigratte light kar
detaa hain aur khade khade smoke kar raha hota hain. Tabhi deepa bhi
bahar aa kar dekhti hain. Aditya kuchh disturb hi dikhai detaa hain.



Deepa “kyaa baat hain aakhir?”



Aditya bhi aakhirkar tang aakar kah detaa hain “mujhe bahut jorse bhukh lagi hain”



Deepa “abhi?”



Aditya “haan abhi bahut jorse bhukh lagi hain kuchh aaspaas hain bhi nahin”



Deepa “rahne do mere paas kuchh hain tumhare
liye” aisaa kahkar wo car ki backside ki seat kholti hain. idhar aditya
apne haathmen ki cigratte fenk detaa hain aur dekh raha hain ki wo
nikaalti kyaa hain.



Deepa apni perce nikaal kar us ki zip kholti hain
aur usmen kuchh dhundh hi rahi hoti hain. aditya thoda aage jhukkar
dekhne ki koshish kartaa hain ki wo kyaa nikalegi. Wo uske perce men se
ek buiscuit ka packet nikaalti hain. aur aditya ki taraf badhaa deti
hain. aditya aage haath badhhakar uske haathmen se wo packet lekar
dekhne lagta hain aur puchhta hain “deepa ye kya hain?”



Deepa “buiscuit”



Aditya abhi bhi us packet ko haath men pakad kar use kisi ajoobe ki tarah dekh rahaa thaa.



Deepa ka jawaab sunkar wo ek baar deepa ki taraf
dekhtaa hain. deepa kuchh samjh nahi pati aur puchhti hain “kya hua
tumhe bhukh lagi thi naa khaa lo”



Deepa ki ye baat sunkar wo kahtaa hain “aisee
chije main kabhi bhukh lagne par khata nahin hun” aditya ka ye jawab
sunkar deepa hans padti hain.



Deepa “khaa lo aam aadmi khaate hain”



Aditya yeh sunkar kahta hain “kahin sunaa tha wo
sach hi thaa” yah kahkar deepa ke haath mrn packet kholkar usmen se
pahla bite letaa hain.



Deepa puchhti hain “kya?”



Aditya “bhukh lakdaa khati hain” aur donon hansne
lagte hain. Ab aditya wo puraa packet apne haath men lekar 2-3 buiscuit
khaa hi chukaa thaa ki deepa uski taraf kuchh alag hi najaron se dekhne
lagti hain.



Usko aisaa ghurte dekh aditya puchh leta hain “kya hua ab?”



Deepa yahaan wahaan dekhte huye usko jawaab deti hain “mujhe bhi bhukh lagi hain”



Aditya packet aage badhaakar kahtaa hain “all
yours madamji hichkichaaiye mat” deepa sharmaate huye hi usmen se
buiscuit leti hain. Buiscuits khaane ke baad aditya puchhta hain “agar
aapke paas buiscuit thaa deviji iskaa matlab paani bhi hogaa?”



Deepa han men sir hilaati hain aur firse car men
se apni bag nikaalkar usmen se pani ki botal nikaalkar aditya ko thama
deti hain. Aditya binaa kuchh soche bas 2-3 ghunt chhod puraa paani pee
jata hain. Deepa to use paani pite dekh aisa muh kholkar dekhti hain
jaise koi alien ho.



Aditya ye samjh jaataa hain aur paani ki botal thamate huye kahtaa hain “kyaa hua?”



Deepa paani ki botal men bachaa hua paani dekhte
huye kahti hain “aap bade dayaalu hain jo itnaa paani mere liye chhod
diyaa” aditya ye sunkar hansne lagtaa hain.



Wo saamne jahaan ki taraf jamm tha wahaan dekhtaa
hain to use lagta hain ki jald hi traffic khulne waali hain. wo deepa
ko kahtaa hain “chalo gaadi men baith jaao” wo donon gaadi men baithte
hain ki 2 minute ke intejaar ke baad traffic khuli ho jaati hain. 5
minute gaadi chalaane par wo open road par aa jata hain tabhi wo deepa
ki taraf dekhtaa hain aur puchhta hain “bhukh to bachi hogi naa abhi
bhi?”



Deepa uski aur dekhti hain par aditya ye baat
kyun puchh rahaa hain yah samajh nahin paati. Wo aditya ki taraf dekhe
hi jaati hain. aditya firse kahtaa hain “apne pet men ki bhukh bachaaye
rakhnaa jald hi nashta karenge” itnaa kahkar wo agala gear daalta hai.
Gaadi hawaa se baaten karne lagti hai.



Ab 20-25 minute ki tejtarrar driving ke baad
aditya aur deepa ek dhaabe par rukte hain. aditya bahar aakar saamne
lagi ek table par aa baithtaa hain aur deepa bhi uske peeche peeche
aakar uske saamne baithti hain. tabhi wahaan ek aadmi order lene pahunch
jata hain.



Aditya usko dekhkar kahtaa hain “are bhaiyaa
jaraa 4 aloo paraathe, dahi, raayta, aachar lekar aaiye to” wo aadmi
order lane chalaa jata hain. aditya deepa ki taraf dekhkar kahtaa hain
“yahaan ke parathe bade famous hain”



Paraathe aane ke baad deepa dekhti hain ki aditya
uske double ki speed se khaa raha hain wo dusari baar bhi order dekar
parathe mangwata hain aur deepa ko puchhta hain “tumhaare liye kuchh
aur?”



Deepa “kuchh nahin chahiye meraa pet bhar gaya hain”



Aditya “are aise kaise abhi to lassi aani baaki hain”



Sab khana pinaa hone ke baad deepa aditya ko kahti hain “mujhe nahin pataa thaa tum itne petu ho”



Aditya uski taraf ek baar dekhtaa hain aur kahtaa hain “aakhir kamaate bhi to isi pet ke liye hain khaao”



Deepa “meraa pet bhar gaya hain”



Aditya “baadmen mat kahnaa ki maine bataayaa nahin”



Deepa “kyaa?”



Aditya “ab hum jahaan jaa rahe hain wahaan khaane ke time ka kuchh andaja nahin rahtaa shaayad kaafi der ho jaaye”



Deepa “rahne do meraa to pet ab bhar gaya hain”



Aditya “jaisee tumhaari marji” kahte huye paraathe khatam kiye aur order bhi de di lassi ke liye.



Khana ho jaane par gaadi ki taraf jaate huye
deepa aditya se kahti hain “mujhe nahin pataa thaa tum itne petu ho
kabhi tumhe ghar pe khaane pe bulaaungi nahin”



Aditya ye baat sunkar usko bas smile pass kar
detaa hain aur binaa kuchh kahe aage chaltaa jata hain. aditya ke saath
car men baithkar wo open window mwn se bahar ka najaaraa dekh rahi thi.
aditya apni ghadi men waqt dekhtaa hain aur deepa ko kahtaa hain “tum
apni window band karo”



Deepa window band karke aditya ki taraf dekhte huye puchhti hain “kyun kyaa hua?”



Aditya “kuchh jyada hi der ho gayi hain hamen isliye”



Deepa “der hone ka aur window band karne ka kyaa sambandh?”



Aditya gaadi ka accelerator dabaate huye kahtaa hain “window open ho to gaadi tej bhagane men problem ho jaati hain”



Deepa aage kuchh dekhti nahin wo ba saamne dekhte
jaati hain ki kis tarah aditya jyada speed men bhi gaadi bahut aasani
se overtake kar raha hain. wo kuchh waqt gujarne ke baad speedometer ki
taraf dekhti hain to use pataa chaltaa hain ki aditya gadi 150+ bhagaa
raha hain



Deepa thodaa tence hokar aditya se puchhti hain “kahin gaadi kuchh jyada speed se to nahin chalaa rahe ho tum?”



Aditya saamne dekhte huye hi jawaab detaa hain “nahin to”



Deepa agalaa sawaal uspar daag deti hain “ye gaadi tum itni easily itni speed par bhagaa kaise rahe ho?”



Aditya hanste huye jawaab detaa hain “gaadi ke
intek manifold modified hain aur is gaadi men kuchh khaas baat hain ……
kyunki ye meri gadi hain”



Deepa agale mod par jab wo ek gadi ko overtake kar raha hotaa hain tab aankhen mund kar kahti hain “jaraa sambhaal ke…”



Aditya saamne se binaa najar hataaye kahtaa hain “tum ab chup baithe thodi der mujhe gaadi chalaane par concentrate karne do”



Deepa ab aise hi saamne dekhti rahti hai ki ab kuchh hogaa yaa badmen.



Atlast aditya city ke side men bani hui ek badi si company ke gate par gaadi rok detaa hain.

Post Reply