Teri Meri Love Story - hindi romance story

romantic stories collection, all English or hindi romantic stories, long romantic stories in English and hindi. Love stories collection. couple stories..
novel
Silver Member
Posts: 405
Joined: 16 Aug 2015 14:42

Re: Teri Meri Love Story - hindi romance story

Unread post by novel » 17 Oct 2015 14:52

Update 19





Aditya aur deepa ke jaane ke baad to abhiman aur Pratap hansane lagte hain



Idher aditya bahar aakar parking men lagaayi hui apni gaadi ki taraf
badh detaa hain jo ki bahut hi kam cars rah jaane ki wajah se alag
thalag ek side men lagi hoti hain. Aage jaate jaate aditya apni jeb men
se cigrate ka pecket nikaalkar usmen se ek cigrate nikaal kar light
kartaa hain.



Kash lagaate lagaate wo gaadi tak pahunch jaata hain aur uske pichhe
pichhe deepa bhi. Aditya gaadi kholkar andar baith jaataa hain. Deepa ke
andar baith jaane ke baad car bahut speed se city ki taraf daudni lagti
hain.



Aditya man hi man men duaa kar rahaan thaa ki kaash koi baat ho aur
usko baaten karne kaa, thodaa time spend karne ko mile. Shaayad bhagwaan
ko bhi yahin manjur thaa 15-20 minute ki driving ke baad aage ek chhote
se sankare raaste par kisi accident ki Wajah se lambi line lagi hui
hoti hain. Aditya bhi jaakar gaadi rok detaa hain par kaafi der tak
kuchh haalchaal naa hone par wo ab apni seat comfort men set kartaa hain
aur ek cigrate nikaal kar light kartaa hain.



Idher deepa bhi baithe baithe bore hui hoti hain to wo aditya se kuchh chitchat karne kaa sochti hain



Deepa “suniye”



Aditya “haan”



Deepa “aap bahut great ho”



Aditya jaraa uljhan men hota hain ki yeh bol kis baaren men rahi hain “main samjhaa nahin”



Deepa “matlab mujhe lagaa nahin thaa ki aapne sir ki shaadi ki baat
kiyi hogi wo bhi un donon se jo ekdusare ko bilkul bhi pasand nahin
karte honge”



Aditya “abhiman aur pratap mere sabse pyaare dost hain aur yah to
abhiman ke pyaar kaa sawaal thaa to usko aise kaise chhod detaa”



Deepa “oh to aap pyaar kaa saath dene waalon men se hain”



Aditya “haan sahi samjhaa aapne”



Deepa “aur fir aapne kabhi pyaar to kiyaa hogaa”



Aditya waise to apne pahale pyaar ko kabhi bhulaa nahin paaya tha par
wo emotional hone waalon mense nahin thaa aakhir wo ek bourn businessman
thaa



Aditya “nahin kabhi waqt hi nahin milaa”



Tabhi deepa idher udher kuchh dekh rahin hoti hain ki car men kyaa kya
hain to jab wo sunguard ko niche karti hain to uske saamne aditya ka
driving liacence aa jaata hain



Wo usko padhne lag jaati hain usmen kai vehicles kaa single liacence hotaa hain usko padhkar chaunk jaati hain



Deepa “aapko itne vehicles chalaane aate hain?”



Aditya muskuraane lag jaata hain “nahin sab to nahin chalaaye kabhi
par mere paas jitney bhi type kaa vehicle liacence aataa hain unsab kaa
hain”



Deepa samajh nahin paati hain “wo kaise?”



Aditya “jab collage men thaa tab mere ek dost ke papa hamaare yahan ke
rto men acp ki post pe the. Ek din jab sabki checking chal rahi thi tab
hamen pakadaa tab tak mere paas liacence bhi nahin thaa. To unhone
pakadaa maine unko pakadte hi kah diyaa thaa ‘main fine nahin bharungaa
wo aapko hi bharnaa padegaa’ to unhone wo fine khud hi bhar diyaa aur
uske baad agale din hum sab ke document le gaye aur hafte bhar men
hamaare paas ye liacence aa gaye road par ki lagbhag har gaadi chalane
ke”



Deepa to bas uske chehare ko dekh hi rahi thi “hunn you have such a
high contacts hum jaisonko to ek simple liacence ke liye jaane kitne
baar chakkar kaatne padte hain”



Aditya hansne lagtaa hain aur kahtaa hain “ye to kuchh bhi nahin hain mere paas to superbike chalaane kaa bhi licence hain”



Deepa sunkar hi excite ho jaati hain”matlab aapke paas koi superbike bhi hain”



Aditya gardan hilaataa hain “haan hain par wo abhi mere paas nahin wo
mere ghar par (yaani ki dusare shahar waale ghar par hain) hain. wo
mujhe mere papa ne mere 18th birthday par gift kiyi thi ”



Deepa “kaunsi hain wo?”



Aditya “cbr hain” thodaa pause lekar “maine ekbaar uskaa puraa kabaadaa kar diyaa tha ”



Deepa “fir?”



Aditya “fir kya repair karwaa li”



Deepa “to ab usko kaun chalaataa hain?”



Aditya “koi nahin usko to bas main aur Pratap hi chalaate hain ab to bas garage ki shobhaa badhaati hain”



Deepa bhi yah sunkar chup ho jaati hain aur aditya bhi shant ho jaataa
hain tabhi aditya firse kahtaa hain “mere papane mujhe gift kiyi thi
jab main third year men gayaa thaa”



Deepa “wow agar aapke papa bade businessman ho to aapko bade hi mahange taufe milte hain”



Aditya uspar kuch nahin kahtaa bas hansne lagtaa hain



Deepa apne curiocity men puchhti hain “to perfect spm aapko apne papa se milaa hain?”



Aditya naa men gardan hilaataa hain “nahin, perfect spm to maine khud
apne paisonse kharidi hain jo ki maine wahinpar 2 saal job se kamaaye
the aur kuchh idher udher se the”



Deepa bas hil gayi thi is baat se wo firse question karti hain “aapke papa businessman the naa?”



Aditya “haan to?”



Deepa “agar perfect spm unki nahin thi to wo kya business karte the?”



Aditya bas hanstaa hain aur kahtaa hain “unka business alag thaa maine
aajtak unko nahin chalaya hai wo to ab chacha wagairaa sambhaalte hain”



Deepa kuchh samjh nahin paati tabhi uske mobile par uske mummy kaa
call aa jaata hain. wo apne mummy ko bataati hain ki kaise unki gaadi
fansi hui hain aur wo jald se jald ghar aa jaayegi.



Tabhi aditya dekhtaa hain ki samne ki gaadiyaan nikal padi hain.
Aditya bhi apne gaadi ko chalu karke unke pichhe pichhe jaane lagtaa
hain.



Gaadi chalaa kar aditya city men aataa hain aur uske area ke taraf
chalaa jaataa hain. kaafi raat ho chuki hoti hain aur aditya road ke
side par gaadi chalaa rahan thaa tabhi wo dekhtaa hain ki raaste par 4
sharaabi ladke chal rahe hain aur wo raaste par ekdum bagiche ki tarah
daud rahe hain. Aditya kaafi koshish kartaa hain ki unmense kisi ko
kuchh naa ho aur wo ek ke paas aakar ruk jaata hain. darasal wo usko hit
karne hi waalaa hotaa hain tabhi gaadi ko control kartaa hain.



Uske rukane se hi sab bewde ikkathe ho jaate hain aur cr ko saamne se
gher lete hain. Chaaronke chaaron shakalse hi pure gunde lagte hain.
Unmense ek aakar driver sida ka darwaajaa kholtaa hain to aditya gaadise
baahar nikal aata hain. baahar aakar wo kuchh bole uske pahale hi ek ki
najar deepa par padti hain aur wo kahtaa hain “kyaa maal hain bhidu”



Dusara ek uski baat sunkar deepa ko dekhtaa hain aur wo bhi kahtaa hain “sachmen maal hain bhai”



Jis aadmine darwaajaa khola thaa wo bhi usko dekhkar dekhtaa rah jaata
hain to aditya firse car men baithne lagtaa hain to wo aditya ka hath
pakad kar usko baahar roktaa hain



“apne paas ke paise aur mobile wagairaa jo hain wo de do”



Aditya “chal hat be nikal yahaan se”



Yah kahkar usko dhakka maar detaa hain. jisko aditya ne dhakka maara
thaa wo ekdamse pichhe jaakar roadke divider se takaraa jaata hain.wo
dekhkar teenon aditya ko maarne ke liye attack kar dete hain. aditya
thoda aage badhtaa hain to sabse pahale wo jo ki gaadise takraayaa thaa
wo aataa hain aditya uske chehare par ek aisaa jor se ghunsaa maarta
hain ki wo bhi jaakar side men gir jaataa hain.



Yah dekhkar dusaraa aur teesaraa bhi saathmen aditya ki taraf bhaagte
huye aate hain aditya unki bhi haddi pasali ek kar detaa hain. Itne waqt
men unkaa bhai uth khadaa hotaa hain aur dekhtaa hain ki is aadmi ko wo
haaath se maar nahin sakte to wo apni jeb men se chaaku nikaalkar
aditya ki tarafa aataa hain.



Wo aditya ke najdik jaakar chaakuse aditya ko maarne ki koshish kartaa
hain. WO chaakuse 5-6 waar aditya par karne ki koshish kartaa hain par
aditya unko miss bana detaa hain. tabhi uska ek waar aakar aditya ke
baajuko touch hokar jaataa hain aur wo aadmi pichhe hatkar aditya ki
taraf ek kutil muskan ke saath dekhta hain jab ki aditya apne dusare
haath se ghaav ko pakadta ahain.



Udher deepa aditya ke haath par laga ghyanv dekh kar ghabraa jaati hian aur uske muh se chhekh nikal aati hain “adityaaaaaa”



Aditya pahale deepa ko dekhta hain aur ab bahut hi krodh men uski
taraf dekhta hain jisne uspar waar kiya tha aur man hi man men kuchh
than kar uski taraf aage badhne lagaa. Tabhi uske teenon saathi bhi apne
hosh sambhal kar uth gaye hain aur wo bhi uske pichhe aakar khde ho
jaate hain. aditya badhkar seedha us aadmi ke saamne aakar khada ho jata
hain seedha us aadmi ki saamne jaakar khad aho jaata hain.



Wo aadmi ab aditya ko firse maarne ke liye chaaku waala haath uthaata
hain. aditya jhat se uska uthaya hua haath kalaai se pakad letaa hai aur
bahut hi angry look men uski aankhon mne aankhen dalta hain. us waqt
agar koi aditya ki aankhon men dekhtaa to aisaa lagta ji uski aankhonmen
khoon hi khaul aaya ho. aditya ne jiski kalai pakadi thi wo is tarah
dabata hain ki uske haath se chaaku chhut kar niche gir jaata hain aur
wo aadmi bhi aditya ki aankahonmne hi dekh raha hota hain.



wo aadmi to jaise aditya ki aankhonmen dekhne ki wajah se samohit ho
jata hain. aditya bina der kiye apni ek laath itni jorse uske pet men
daalta hain ki uske muhmen se thodaa khoon baahar aata hain.



Itnaa dekh kar hi uske teenon pantar aditya ki taraf badhne lagte
hain. aditya unko apni taraf badhte dekh kar us aadmi ki kalaai chhod
detaa hain aur wo aadmi gir padtaa hain. aditya usi jagah par khade
rahakar un teenon ka saamna kartaa hain aur teenon ko bhi dhobi pachhad
de deta hain. unmne se ek bhi apni paironpar khadaa rahne ke kaabil
nahin rahate bas jameen par pade pade hi aah aah ki aawaaje nikaal rahe
hote hain. sab niche gir jaane ke baad aditya firs ek baar aur wo
chaaron pade hain aur firse koi uthkar koi kuchh karne ke kaabil nhain
hain is baat ko pakka kar letaa hain aur fir deepa ki taraf dekhtaa
hain. tabhi pichhe se usko siren ki aawaj sunaai deti hain. aditya
mudkar jis disha se us siren ki aawaj aayi hian us or dekhta hain to
paata hain ek police ki gaadi aa rahi hoti hain.



Aditya deepa ki taraf badhkar uske najdik jaata hain. tabhi usko
ehsaas hota hian ki uske haath men cut lagaa hain aur wo us jakhm ko kas
kar pakad letaa hai jisse khun bahane se aditya ki white shirt ki wo
baaju puri tarah se khoon ki wajah se lal rang ki hui hain. deepa to bas
aditya ki taraf dekhti ja rahi hoti hain aur uske man se to wo chhavi
hatati hi nahi hain jis akele ko usne 4 logonko maarte huye dekha thaa.
Aditya bas deepa ko hi dekhe jaa raha thaa aur tabhi achanak jabki
police siren ki aawaj jyaada jor se aane ke kaaran deepa ki jaise neend
khul jaati hain aur wo jhat se apne haath men rakhaa huye rumaal se
badhne ki koshish karti hain par aditya ke bicepce jyaada hone ki wajah
se deepa ka rumaal puraa nahi hotaa. Aditya uski uljhan ko dekh kar
samajh letaa hain aur apne pant ke jeb mense apnaa rumaal nikaal kar
detaa hain. usko wo lekar aditya ki ghaav par bandh deti hain.



Pichhe se police ki car aakar ruk jaati hain aur usmense 3 constrables
baahar aate hain aura ate hi dekhte hain ki niche pade chaaron apne
apne haath pair pet pakad kar karahate huye pade hain aur aditya aur
deepa saamne khade hain. wo aditya ke paas chale aate hain

novel
Silver Member
Posts: 405
Joined: 16 Aug 2015 14:42

Re: Teri Meri Love Story - hindi romance story

Unread post by novel » 17 Oct 2015 14:53

Update 20





Aditya police ko puraa waakiya batata
hain aur saathmen apni pahchan bhi bataa detaa hain. wo costrables
kahate hain ki aapko abhi hamaare saath police station aanaa padegaa.
Aditya unko batata hain ki wo unko kal dinmen aake milega fir bhi wo
nahin maante. To aditya kahta hain ki wo kewal deepa ko uske ghar
chhodne de par fir bhi wo nahin maante.



Aditya aakhir kaar man kar unke saath jane ko taiyaar ho jaataa hain
aur wo apni gaadi ki tarf badh jaataa hain aur wo teenon apni car men
pade chaaron ko uthaakar daal dete hain. aur ek police aditya ki gaadi
men aakar baith jaata hain taki wo seedhe police station hi aa jaaye.



Deepa ko kuchh samjh nahin aataa ki wo kyaa Karen to wo apne bade bhai
ko phone karke usko turant police station aane ko kah deti hain. par
aditya to binaa kuchh dare gaadi chala raha thaa. deepa dar gayi thi par
usko shayad pataa nahin thaa ki aditya agar chahe to 1 phone call men
in sab men se chhut sakta thaa.



Donon gaadiyaan police station ke baahar aakar ruk jaati hain.
costrables aditya aur deepa bahar hi ek bench par baithne ko kah dete
hain aur un chaaron ko aditya ke saamne ke bench par bithaa dete hain.
wahaan ka head constrable ki gaadiyon ki aawaj se nind tut jaati hain
aur wo dekhne ko baahar nikal aata hain ki maajraa kyaa hain. wo aditya
ko dekhkar pahchaan jaata hain. isi instance par aur ek police ki gadi
aakar ruk jaati hain aur usmen se ek sub inspector bahar nikaltaa hain.



Aur seedhe apne cabin ki taraf jata hain aur uske pichhe pichhe wo
contrable andar jata hain jo ki aditya ki saath unki gadi men aaya thaa
aur wo andar jaate hai. Thodi hi der men wo constrable bahar aakar
aditya ko kahta hain ki use andar bulaaya hain.



Aditya andar jaate hi uske pichhe pichhe head constrable bhi andar
jaata hain. deepa yeh dekhkar aur bhi ghabraa jati hain aur sochne
lagti hain ki uska bhai ab tak aaya kyun nahin ?



Thodi hi der men deepa ka bada bhai aa jaata hain aur wo deepa ko
bahar bench par baitha dekh kar uske paas jaakar puchhta hain ki kyaa
huaa to deepa usko sab baatbata deti hain.



Idher aditya andar jaate hi uske pichhe pichhe aayaa hua h.c. inpector
ko baaju men bulaakar usse dhire se kahta hain “saab ye jo ladka hain
wo koi aam aadmi nahin hain wo ek minister ka pota hain accha yahi hain
ki usko jaane de aur isne jinko maaraa hain unko bhi rafa dafa kar de”

Inspector “tum kaise jaante ho ise?”



H.C. “saab yah is city men tadipar ho kar aaya tha hain tab iske
dadaji ke kuchh political dushmanonne ise tadipar bana diya tha par
baadmen wo bhi uth gaya thaa”



Inspector “thik hain main dekh letaa hun”



Inspector ab aditya ke paas aata hain awagur usko thik dhang se bithaa
kar kyaa hua puchhta hain aur kahin kuchh dukh to nahin rahaa? Wagairaa
usse baaten kartaa hain. lagbhag 10 minute baad teenon hansate huye
aate hain tabhi aditya dekhtaa hain ki deepa ka bhai aa gayaa hain.



Aditya fir police station men se bahar nikalta hain aur uske saath men
deepa aur uskaa bhai hotaa hain. aditya apni car men baith kar nikalne
lagta hain aur wo deepa ko kahta ki wo usko aur bhai ko ghar drop kar
degaa par uska bhai to bike lekar aaya hota hai. To aditya nikalne lagta
hai par deepa usko rok leti hain aur kahati ki ghar chalo dressing
karni hain.aditya usko samjhaane ki koshish karta hain ki wo kar legaa
par deepa aur uske bhai ke jid ke aage jhuk kar deepa ke ghar ke liye
nikal padta hain. ab aditya aur deepa aditya ki car men hote hain aur wo
deepa ke bhai ki bike ko follow kar ke deepa ke ghar pahunch jaate
hain.



Idhar deepa ke ghar par uske mummy papa bade hi tension mne baithe
the. Wo teenon jab aate hain tab jaraa unki jaan men jan aa jaati
hain.wahaan par deepa aditya ko intro apne mummy papa se kara deti hain.
saath men deepa ka bhai puraa huaa waakiya bhi bataa detaa hain.

Aditya apne mobile se Pratap ko phone karke usko deepa ke ghar aane ko
kahta hain. Deepa ghar men medicins wagairaa lane chali jaati hain.



Aditya ab baith kar apane jakhm ko thik tarah se dekhne lagta hain.



Deepa ke papa “are beta itni raat gaye sadak par kisi ke saath ladaai
karne ki koi jarurat nahin hoti, unhen jo chaahiye ho wo dekar nikal
aane men hi apni bhalaai hoti hain”



darasal deepa ke papa thode middle class ke ghabraane waale type ke
hote hain aur wo aisee hi salaah aditya ko dena chahate hain, par yeh
salaah sunkar to aditya jara khaul hi jaata hain.

darasal yeh farak tha aditya aur deepa ke gharon ke beech ka jo aditya abhi face kar raha thaa.



Adita ek political background waale businessman pariwar se tha aur
uski nason men daudne waala wo jawaan aur aggressive khoon aur uske
sanskaar ye baaten bhi nahin sun sakte the ki koi usko aisee koi salaah
sunaaye aur wo sune. Adityako aisee salah agar kisi aur ne diyi hoti to
aditya uska muh tod deta par yeh to uske pyaar ka pitaa tha to usne unko
thode soft words men kahne ki sochi.



Aditya “uncle, maaf kijiye par mujhe aisee sikh mili hain ki jo mard
apne khud ke daulat, aurat aur jaan ki raksha har halat men nahin kar
sakta use mard nahin kahlaanaa chahiye”



Aditya ki yah baat sunkar deepa ke papa, mummy aur bhai teenon ka
chehare par jara alag hi tarah ke bhaav aa jate hain ki ‘kahan se yah
bol diya’



Tabhi andar se deepa aa jaati hain uske hath men dressing ka saaman
hota hain aur usko lekar wo aati hain. tabhi wahaan door bell bajti hain
to deepa ka bhai darwaja kholta hain. darwaaje ke bahar abhiman aur
Pratap the. Donon ek saath hi aditya ke liye puchhte hain to deepa ka
bhai unhe ghar ke andar leta hain aur aditya ke saamne hi sofe par bitha
dete hain. aditya ke sath baith kar deepa uska dressing karne ka
shuruat hi kar rahi hoti hain ki wahaan abhiman aur Pratap andar aa
jaate hain. deepa dekhti hain ki donon usi kapadonmen hain Jinmen wo
donon abhiman ke engagement men aaye the.



Deepa apne mummy papa ko ab abhiman ki aur Pratap ki bhi introduction karwa deta hain.

Jab deepa ke papa jaante hain ki abhiman unki ladki ke boss hain tab
wo usko jara hath jod kar Namaste karate hain jiske jawab men wo bhi
Namaste karta hain.



Aditya abhiman se “tum kyun aaye itni raat ko?”



Abhiman “are jab tera phone aaya tab hum sab ghar pahunche hi the to main aa gaya sath men dekhne ki aakhir hua kya hain?”



Aditya “aaya hi hain to dekh le kya hua hain” kahkar apne baaju par ka jakhm dikhta hain



Abhiman aur Pratap dekhte hain aur Pratap puchhta hain “kisne tumhe haath lagaaneki himmat kiyi hain?”



aditya “tension mat le yar ho gaya sab kuch”



Pratap “thik hain par kuchh aisaa waisaa to nahin thaa naa?”



Aditya “nahin yaar kuchh nahin thaa”



Pratap “tujhe itni chot lagi hain aur tune…..”



Aditya “acchi khaasi marammat kiyi hain”



tabhi deepa bich men tokte huye kahti hain “dressing karne ke liye
aaye ho aap ya chitchat karne?”ye sunkar abhiman, Pratap aur deepa ka
bhai hansane lagte hain jabki aditya deepa ki taraf dekhkar bas ek
shararat bhari muskaan paas kar deta hain.



deepa aditya ke shirt ko nikaalne ke baaren men sochti hain taaki uski
dressing kar paaye par uske samajh men nahin aata ki ek aadmi ki shirt
ko kholu to kaise wo bhi itne saare logon ke saamn. Aajatak jindagi men
kisi mard ke kapdon ko na utarane ki wajah se wo kuchh kar nahin paa
rahi hoti hain. Aditya samjh jataa hain ki wo hichkicha rahi hain to
aditya usse kahta hain “tum wo sab chijen idhar hi rakh do, Pratap meri
dressing kar degaa”



Ab deepa ki mummy daddy raat jyaada hone ke karan andar chale jaate
hain. Idhar sofe par aditya ki dusari taraf se Pratap aakar baith jaata
hain aur wo seedha aakar aditya ke haath ke ghav ka muaina karta hain
jaise wo koi doctor ho.



Aditya usko kahta hain “mere bhai wo jakhm hain ko intresting news
article nahin jisko dekh kar tu ghurta chala jaaye” yeh sunkar Pratap
hansata hain room men ke baaki members bhi hansane lag jaate hain.



Pratap seedha deepa se kaichi maang kar aditya ka shirt ki baah kaat
deta hain kyun ki wo khoon ke sukhne se aur ghaav ki wajah se aditya
apne haath ko bahar nahin nikal sakta tha aur waise bhi uski shirt ek
side se puri tarah khoon se san gayi thi.



Pratap fir bina kisi bedardi se uska jakhm ko anti-septic se pochhta
hain aur anti-biotic cream lagakar patti baandh deta hain.



Itne men deepa ka bhai bhi andar chala jaata hain to Pratap aditya se
puchhta hain “waise maharaj aapko yeh cut wo bhi ek acche khaase chaku
se aaya hain sahi?”



Aditya bas gardan hilaata hain



Pratap “aur yeh hua kaise?”



To aditya bore hokar deepa ko hi jo hua wo bataane ko kah deti hain aur deepa puraa maajra sunaa deti hain.



Pratap seedhe deepa ko thank you kahta hain aur saath men hi abhiman bhi.



Aditya pichhe rukkar deepa ko thank you kahne ke liye rukta hain jab ki wo donon baahar nikal jaate hain



Aditya deepa se”thank you”



Deepa “thank you kis baat kaa?”



Aditya “mujhe dressing ke liye ghar le aane kaa”



Deepa “kya mere jagah aap hote to kya aap aisaa nahin karte?”



Aditya “you have a point”



Aur bas nikalne ke liye mudta hi hain ki deepa pichhe se kahati hain “suniye kal subah jarur doctor ke paas chale jaaiyega “



Aditya “haan thik hain chala jaaungaa”



Deepa “aur ghar par pahunch jaane par mujhe phone kar dijiyega”



Aditya “kisliye?”



Deepa “taaki main ye jaan saku ki sahi salamat ghar pahunche ya nahin
ya fir firse dressing karne ya kisi police station aana hain”



Aditya yah baat sunkar bas muskura hi deta hain aur kahta hain “aisaa
hotaa nahin hain mere saath”aur firse palatkar baahar nikalne lagta hain
ki firse picche se aawaj aati hain



Deepa “suniye”



Aditya “kya?”



Deepa “ab jara aapko ab to chot lagi hain to 2-3 din jara aaram kar lijiye”



Aditya “thik hain madam aur kuchh?”



Deepa “nahin aur kuchh nahin”



Aditya “thik hain” kahkar seedha nikal padta hain



Ab aditya seedha jaakar apni gaadi men driving seat ke paas waali seat
par baithne ke liye aage badhta hain aur andar se Pratap uske liye
darwaja khol deta hain. aditya baithne se pahale ek baar us bunglow ko
firse dekhta hain to first floor par ke ek room men ke balcony men se
deepa baahar aakar aditya ko wave karti hain.



aditya deepa ki taraf dekhtaa hain aur seedha car men baith jaata
hain. pahale aditya ki car aur uske pichhe abhiman ki car start hone ki
aawaj aati hain aur donon gaadiyan full speed men chali jaati hain. depa
un donon gaadiyon ki taraf dekhti rahti hain jab tak ki wo kisi turn
par najaronse ojhal nahin ho jaati.



Aditya gaadi men baithta hain to Pratap gadi nikaalta hain thodi der
chalane ke baad puchhta hain “saath men bhabhi thi to ladai karne ki kya
jarurat thi?”



Aditya to bas apne khayaalonmen hi uljha hota hain aur uski baat
suntan nahin hain to Pratap usko thoda hilata hain aur apni baat firse
puchhta hain



Aditya jawab deta hain “are Pratap agar kisi ladki ko safely drop
karne ke liye saath le jaa rahe ho aur aisaa kuchh hota to tu kya
karta?”



Pratap bas gaadi jor se chalaate huye saamne dhyan dete huye bas sar
haan men hilata hain tabhi aditya apne gaadi men ki samne pade cigrate
ke packet men se cigrate nikal kar ek khud ke liye leta hain aur packet
Pratap ki taraf badha deta hain. aditya apni cigrate lite karke lighter
Pratap ko de deta hain. 2-4 kash lagane ke baad firse kahta hain

“are yaar agar unko aise hi chhod dete to apna record nahin kharab ho jaata?”



Pratap “haan sahi hain par ye road par ki ladai men haath ko lag jaaye ye kaise?”



Aditya “are deepa par dhyaan thaa aur tabhi ek waar aa gaya par
baadmen un chaaronko jo dhoya hain agali baar firse kabhi gaadi ko nahin
lutenge”



Donon is baat par hansane lag jaate hain



Aditya “waise bhi aajatak koi streetfight kabhi haari hain kyaa?”



Is baat ke jawaab men Pratap jor se “nahin” kah deta hain aur donon
aur jorse thahaake lagaake hansane lagte hain aur unka ghar aa jaata
hain.





novel
Silver Member
Posts: 405
Joined: 16 Aug 2015 14:42

Re: Teri Meri Love Story - hindi romance story

Unread post by novel » 17 Oct 2015 14:53

Update 21





Ghar ke saamne gaadi park karke Pratap
utarta hain aur aditya chaabi na hone ke kaaran darwaaje men hi ruk
jaata hain. Pratap aakar darwaja khol deta hain. aditya seedhe apne bed
room men jaakar apni rahi hui change karne jaisee chij yaani apni pant
nikaalkar nightpant pahan leta hain. par uske man men kucch aataa hain.



wo seedhe apne ghar ke hall ke side men bani huye mini bar men jaakar
baith jaata hain. use lagta hain ki shaayad thodi daaru ki wajah se
dard kam hoga aur nind bhi aa jaayegi. Aditya sochta hain ki jaakar
Pratap ko bulaaya jaaye isliye wo uski room ki taraf jaata hain to paata
hain ki wo so gaya hain to use bina disturb kiye aditya firse bar men
aakar baith jaata hain.



ek whisky ki botal, glass, pani aur barf wagaira chijen nikaalta hain
jo ki jaruri thi aur kursi par baithkar apna peg banata hain. wo us peg
ko uthakar pahala sip lete hi yaad karta hain ki deepa ne usko ghar par
phone karne ko kaha thaa. Aditya apna mobile nikal kar deepa ka number
milaata hain.



pahali ring men hi deepa phone utha leti hain. aditya iska matlab jaanta hain ki wo bhi uske call ka intejar kar rahi thi.



Aditya ki taraf se kuchh na sunkar deepa apni meethi awaaj men hi
“hello” kahati hain jisko sunkar aditya firse reality men aa jaat hain



Aditya “hello haan deepa aditya bol raha hun”



Deepa “haan boliye thik thak ghar pahunche ya fir aur kisise jhagada to nahin naa kiyaa?’



Aditya “nahin thik thaak ghar pe pahunch gaya hun isiliye to tumse baat kar raha hun”



Deepa yeh sunkar hansati hain aur uski meethi si hansi ko sunkar aditya bhi hans deta hain



Deepa “to ab kya kar rahe hain aap?”



Aditya “yaar tumhen kuchh problem hain kyaa?”



Deepa “problem???”



Aditya “kuchh problem hogi to bata do”



Deepa “main samjhi nahin”



Aditya “mujhe aap wagairaa aisaa kahne ki koi jarurat nahin hain main koi itna bada nahin hun tumse”



Deepa “par aap itne bade ho to fir respect denaa to banta hain naa”



Aditya “abhiman mujhse badaa hain yaa nahin?”



Deepa “haan”



Aditya “firbhi main usko aap wagaira kahta hun kya?”



Deepa “aap donon dost ho wo bhi bahut puraane aur gahare”



Aditya “thik hain to fir main aur tum bhi dost hi to hain”



Deepa “wo kaise?”



Aditya “wo aise ki main na tumhara boss hun aur naa hi koi Buddha” Is baat par deepa hansati hain



Aditya “to thik aajse tum meri dost ho aur mujhe mere dost aap wagairaa nahin kahte”



Deepa hansate huye “thik hain”



Aditya “to aap bataao aaj ka program aapko kaisaa laga?”



Deepa “kaafi accha thaa” Tabhi wo galati se aditya ka sip lena sun leti hain aur achanak se aditya se puchh hi leti hain



Deepa “aditya”



Aditya “hun”



Deepa “abhi tum kya kar rahe ho??”



Aditya “maje le raha hun”



Deepa “kaise maje?”



Aditya “tumse baat karne ke kyunki mujhe logonse gappe maarne men badaa majaa aata hain”



Deepa “wo nahin tum saath men aur kuchh kar rahe ho?”



Aditya “haan baitha hun aur drink bhi kar raha hun”



Deepa “haath ko etni bada jakhm hua hain aur janaab drinking kar rahe hain”



Aditya “drink is liye le raha hun ki dard kam ho”



Deepa “to painkiller lo”



Aditya hans kar kahta hain “ghar men painkiller nahi nahin hain”



Deepa “ghar men painkiller nahin hain par sharab hain naa?”



Aditya firse haskar kahta hain “sharab duniya ki sabse badi pain killer hain”



Deepa “thik hain par kal subah doctor ke paas chale jaana aur wahaan jaakar meri doctor se baat karwa dena”



Aditya “wo kyun?”



Deepa “mujhe unse kahna hain ki inke prescription men koi acchi painkiller likhna taki ye firse iske naamse sharab na piye”



Aditya “thik hain”



Deepa “tum kahin saathmen cigrate to nahin naa pee rahe?”



Aditya ka hath bas cigrate ke pecket ko toch hi kar raha tha ki wo sunkar chauk jaata hain



Aditya “nahin, nahin to kyun”



Deepa “wo bhi tumhaari bahut buri aadat hain tum cigrate kaafi pite ho”



Aditya “kya karun ab aadat ho gayi hain”



Deepa “nahin chalega yeh agar mere dost ho to smoking aur drinking chhodhni hogi specially smoking”



Aditya “kyun?”



Deepa “koi chahega kya ki uska dost ki uske chhod kar chala jaaye”



Aditya “suno main drinking koi roj nahin karta bas kisi occasion par aur party men hi bas”



Deepa “thik hain par smoking kab chhod rahe ho?”



Aditya “wo to ekdum se band ho nahi sakti to dhire dhire use kam kar
dunga par wo aise bol diya aur chhut gayi aisaa ho nahin sakta”



Deepa “thik hain koshish karna yaad rakho where there is will there is a way”



Aditya “haan thik hain thik hain kam karungaa waise ye bataao ki tum
itni raat gaye jag rahi ho tumhen kal office jaana hain yaa nahin?”



Deepa “abhi so jaaungi to jaaungi baba”



Aditya “thik hain tum so jaao aur main bhi so jaata hun”



Deepa “ruko kal tum office nahin jaaoge kya?”



Aditya aawaj men jara khushi laakar kahta hain “noooo main subah
jaakar doc se milunga aur baadmen ghar par baith kar aaram karunga
dinbhar aish karunga”



Deepa “maja hain bhai tumhaari”



Aditya chup ho jaata hain koi jawab nahin deta



To firse deepa puchh leti hain “kyaa hua itna accha hain ki tumhe kal chhutti hain”



Aditya ki aawaj jara low ho jaati hain”kuchh nahin wo kyaa hain dil
bhar aaya hain kyunki kaafi saalon ke baad chhutti le raha hun naa”



Deepa “matlab”



Aditya “kuchh nahin ab tum so jaao subah tumhe uthna hain aur office jaana hain”



Deepa “ye kya baat hui dost bhi kaahate ho aur kuchh batate bhi nahin yeh thik nahin hain”



Aditya “abhi kaafi raat ho gayi hain so jaao baadmen bataunga ki kya hain”



Deepa “nahin abhi bataao tum”



Aditya “kya main itni raat gaye tumko abhiman ke saath conference call
par daalu aur usse kahun ki apni account manager ko ab sula de kyun ki
use kal office jaana hain”



Deepa “nahin”



Aditya “to fir thik hain ab so jaao good night”



Deepa “thik hain kal yaad se doc ke paas chaale jana aur usne kya bataya wo mujhe turant bata dena”



Aditya “thik hain madam ab agar aapki baaten puri ho gayi ho to kya aap sone ka kasht karengi”



Deepa “haan thik hain waise main har roj sone se pahale ek kitaab
padhti hun aur kuchh accha padhkar soti hun aur aaj wo padhi nahin hain
to tum kuchh acchi baat hi bata do”



Aditya “deepa so jaao main aisaa kuchh nahin sunane waala”



Deepa “fir mujhe book nikalkar padhni hogi aur main subah der se
uthungi to der se office pahunchungi aur puchha abhiman sir ne ki der se
kyun aayi to main bata dungi tum raat ko mujhse baat kar rahe the”



Aditya “bata do ki tum mujhse baat kar rahe the aur kya sunana padega wo sun lenaa”



Deepa “bata do na koi acchi baat please”



Aditya "Listen to your heart. It knows all things, because it came from the Soul of the World, and it will one day return there."



Deepa thoda excite hokar “tumne alchemist padhi hain”



Aditya “so jaao ab baadmen baat karenge”



Deepa “thik hain”



Aditya “good night”



Deepa “good night sweet dreams”



Aur phone kaat deti hain jabki aditya bas uske hi
khayaalon men baithta hain. lagabhar raat ke 3 baje uske khayaal tut
jaate hain kisi aawajse wo dekhta hain to deewar par ki ghadi men 3 baje
hain. aditya seedha uthkar apne bedroom men soneke liye chala jaata
hain.



Subah 10 baje jab Pratap naashte ke liye baitha
hi thaa aur soch raha thaa ki aditya ko nind se uthaaya jaaye ya nahin
par baadmen sochta hain ki jab uthega tab uthega kal raat ki baat ki
wajah se disturb nahin karna chahta. Tabhi darwaaje ki ghanti bajati
hain. Pratap dawaja kholta hain to bahar apni gaadi ki chabi hilaate
huye abhiman khada thaa.pratap ne darwaja kholte hi abhiamn seedhe andar
aa jaata hian aur Pratap se puchhta hain

“aditya kahana hain?”



Pratap “so raha hain abhi tak”



Abhiman “utha de ab kyaa dopahar ko kahan khaane ke waqt uthayega”



Pratap “chal abhi jaakar uthate hain”



Aur wo donon aditya ki bedroom ki taraf chalane lag jaate hain.



Idher deepa subah uthte hi aditya ko sms daalti hain ‘good morning’



Kaafi der tak wo uske reply ke liye raah dekhti
hain par aditya ki taraf se koi reply hi nahin. Wo soch men pad jaati
hain ki aditya reply kyun nahin de rahaa. Wo fir aur kuchh massage
bhejati hain par idher aditya to soya huaa thaa. Wo office jaane par
sochti hain ki koi reply nahin to wo aditya ko call karati hain



par kaafi der tak ghanti bajane par bhi aditya
phone uthaata nahin hain. deepa 2-3 baar try karati hain par aditya
uthata hai nahin hain.deepa sochne lag jaati hain to uskaa dimag usko
kahta hain ki aditya kal raat ko apni baat rakhne ke liye ladaa thaa aur
raat ko phone par baatchit is liye kiyi hain kyunki wo sharaab ke nashe
men thaa aur usko us waqt bas koi baat karne ko chahiye thaa.



Par deepa ka dil kah raha thaa ki aditya fir itni
acchi tarah baat kyun kar rha thaa jaise koi bahut acchi dost se baat
kar raha thaa ?



To dimag ke paas uskaa bhi jawaab thaa ki usne
sun rakha tha ki aditya ek bahut hi accha businessman hain aur sabhi
business hameshaa meethi baatonse sabhi ko lubhaate rahate hain aur
jhute sapane dikhate rahate hain.



Wo is uljhan men hi thi ki achanak uske mobile ki screen par ek new massage dikhata hain.





Udhar abhiaman aur Pratap donon aditya ke room
men chale jaate hain dekhte hain ki laadsaab to mast ghode bech ke so
rahe hain aur chehare par ek bahut hi mast smile hain yeh dekh ke to
donon muskuraa dete hain. Pratap dheere se aditya ko hilaa kar “aditya”
awaaj detaa hai



aditya par iskaa koi farak nahin padta ultaa wo
Pratap ka jo haath usko hilaane ke liye paas le gaya tha aditya usko
pakad ke apne seene ki taraf khinch letaa hain. yeh dekhkar Pratap aur
abhiman ek dusare ki taraf dekhte hain aur hanste hain. ab Pratap aditya
apne dusare haanth se jyaada jor se hilaakar aawaj bhi unchi lagata
hain aur 2 baar repeat karta hain. ab kuchh kuchh aditya aankhen kholta
hain aur dekhta hain ki abhiman aur Pratap donon khade hain so wo Pratap
ka pakdaa hua haath chhod deta hain aur apne bed par uthkar baith jaata
hain. baithne ke liye jab koshish karta hain tabhi usko achanak se yaad
aata hain ki uske haath ko jakhm hua hain aur wo “aah” kahata hain

.

Pratap “tum brush karle aur bahar aa jaao main chaay banaata hun”



Aditya “chaay nahin coffee pilaa bhai”



Pratap “thik hain coffee karta hun chalega na abhiman?”



Abhiman “haan”



Aditya apne aankhen malta hain aur dekhta hain
uska mobile side men padaa hua tha wo kiska massage aaya ya nahin isliye
wo dekhta hain aur usko deepa ke masaages dikhte hain aur uske missed
calls bhi. Aditya ki bachi kuchi neend bhi ud jaati hain aur wo apne
mobile par masaag type karta hain



‘good morning abhi utha hun aur thodi der men doc
ke paas jaaungaa’ aur deepa ko send kar deta hain aur seedha bathroom
men bhaagata hain brush karne.



Idher bahar Pratap ki side men khada hokar abhiman usko coffee banaate huye dekhta hain.



thodi hi der men aditya brush karke bahar aa
jaata hain aur dining table ki bajay seedha drawing hall men jaakar tv
par music channel on kar deta hain(subah subah tv par music chanels
dekne ki bahut purani aadat thi aditya ki)



Pratap aur abhiman bhi wahin aa jaate hain.
Pratap ke haath men coffee ka tray hota hain aur wo usko saamne ke table
par rakh detaa hain aur sabke liye cup taiyaar karta hain. aditya cup
uthakar kahata hain ki “abhiman aaj office nahin gaya?”



Abhiman bhi coffee uthakar kahata hain”aaj koi khaas kaam to tha nahin subah to sochaa tere saath doctor ke paas jaayenge”



Aditya “Pratap hain na mere saath”



Abhiman “haan firbhi socha ki aaj lunch tere saath kar lungaa”



Abhiamn ki lunch ki baat sunkar aditya aur Pratap hansne lag jaate hain



Aditya “yaar idhar 2 din hamaare hi kahaane ka kuchh thikaana nahin hain aur tum hamare yahaan khaana khane aaye ho”



Abhiamn “kyun kya ho gaya?”

Aditya “tune dekha nahin kay ki aaj kaamwaali
nahin aayi hain aur main thik nahin hun isliye ham log Pratap ke haath
ki bani coffee pee rahe hain”



Abhiman “are haan main to bhul hi gaya chal koi nahin bahar lunch kar lenge”



Aditya “hamara bhi wahi plan tha”



Abhiman “aur raatko khaana mere ghar pe haan”



Aditya “chalo accha hain raat ka khana fokat men milega” aur aditya aur Pratap jor jor se hansane lag jaate hain.



Aditya “main jara kuch der men aata hun fir hum doctor ke paas jaayenge”

Post Reply