Anokha pyar - Pure Love Can Touch The Souls

romantic stories collection, all English or hindi romantic stories, long romantic stories in English and hindi. Love stories collection. couple stories..
User avatar
admin
Site Admin
Posts: 1583
Joined: 07 Oct 2014 07:28

Anokha pyar - Pure Love Can Touch The Souls

Unread post by admin » 29 Jan 2016 08:19

14th February 2016....



"Arey koi valentine nahin hota yaar, in fact i believe yeh love at first sight sab filmy cheesein hain.." main apne kuch doston ke sath office ke bahar khade khade chai pee raha tha aur sutta maar raha tha..



"And waise bhi yaar target achieve nahin hua hai, upar se yeh pyaar vyaar dil ki baatein mat kar, nahin toh fir...." jaise hi maine yeh mere dost ki or badhkar kaha ke duniya ki sabse meethi awaaz ne mujhe rok diya



"excuse meeeee..."



Isse meethi awaaz maine aaj tak nahin suni thi, ya yun kehna bhi galat nahin hoga ke duniya mein shayad hi isse koi meethi awaaz ho... kuch der ke liye jab main us awaaz ki mithaas mein khoya raha tabhi fir wohi awaaz mere kaano mein padi, is baar kaafi nazdeek se



"excuse me.."



Main jaise hi yeh awaaz sun peeche palta, mere liye duniya maano wahan tham si gayi, waqt wahin ruk gaya, hawa tez hone lagi jisse uski khuli hui zulfein uski aankhoon ke saamne aane lagi aur woh baar baar unhe pakad ke peeche hata deti jisse main uski halki bhuri aankhon ko dekh sakun, unme kho sakun... Mere saamne shayad duniya ki sabse khoobsurat masoom chehre wali ladki khadi thi jiski aankhein badi badi halki bhoori rang ki thi, neele color ke chudidar suit mein se uski saadgi ka andaaza lagaya jaa sakta tha, uski aankhon se leke uske honth , har taraf se masoomi jhalak rahi thi.. uske kaano mein do choti baaliyan, naak mein baali, hathon pe khanakte uske do kangan.. kisi dulhan se kam nahin lag rahi thi, uski khoobsurti mein bas kho hi gaya tha ke tabhi mere dost ne peeche se halka sa dhakka diya mujhe, jisse mein apne hosh mein aaya aur use dheere se kaha



"uhhh yee..yeesss.." maine haklate hue kaha



"uh hi, mujhe yeh address bata denge please.." usne mere hath mein ek card dete hue kaha..



"yeh address pe kyun jana hai aapko.." maine ek nazar card pe dekha aur fir uski bhuri aankhon ki gehraiyon mein dubne ko taiyar ho gaya



"sorry... " usne sirf itna hi kaha ke main fir apne hosh mein aa gaya



"uh..i mean, yeh card mera hi hai... Bharat, **** Bank... how may i help you" maine apna hath aagey badha ke kaha



"oh, sorry.. hi.. i am nidhi.." kehke jaise hi usne apna hath mere haathon mein diya, mere dil ki dhadkane kaafi tez ho gayi, mujhe yakeen nahin ho raha tha ke mere sath bhi aisa kuch ho sakta hai.. Nidhi mujhse kuch keh rahi thi lekin main usse sun hi nahin paa raha tha, dil chah raha tha ke main hamesha yuhin uska hath pakde rahun aur woh bas yuhin apni surili awaaz mein mujhse baat karti rahe, mere aas paas kya ho raha tha main kuch nahin sun paa raha tha... kaano mein jo awaaz thi woh bas nidhi ki thi, dil mein ek tasveer see ban gayi uski, jee chaha ke jis tarah yeh tasveer mere dil mein bas gayi hai, waise hi agar nidhi bhi mere dil ke kareeb aa jaaye toh fir khuda se kuch aur nahin maangunga..meri aankhein ab nidhi ke chehre ko hi dekh rahi thi, uski badi badi aankhein, uske gulab ki pankhudiyon jaise naram honth jo kuch keh rahe the mujhse, uske naazuk
hath jinko main abhi bhi thaame hue tha is umeed mein ke ab yeh mujhse kahin door nahin jaayenge.. puri duniya slow motion mein chal rahi thi, dheere dheere kar main aagey badha, uske haathon ko apne honthon ko paas laya aur unhe chum ke kaha.. "nidhi, tum duniya ki sabse khoobsurat ladki ho..."



"excuse me..." nidhi ke itna kehne se hi mere ek dost ne peeche se halka jhatak kar mujhe hosh mein laya, jisse main asli duniya mein wapas aa gaya aur nidhi ke haathon ko apne haathon se alag kiya



"uh yes, aap kuch keh rahi thi.." main isi bahane nidhi ke nazdeek chala gaya aur uski jhuki hui palkon ko dekhne laga



"dekhiye, main yahan car loan ke liye aayi thi, meri frnd ne aapka ref diya.. but i think i have come at the wrong place.." nidhi ne halka gussa hoke kaha aur woh door jaane lagi



"arey. uh hello,. excuse me.. Nidhi.." kehke main uske peeche dauda



"i am sorry, but i assure you naa toh aap galat jagah pe aayi hain, aur naa hi galat insaan ke paas... aaiye mere sath.." maine nidhi se kaha aur bank ki taraf chal diye

"we r done.. aapka loan 7 working days mein sanction ho jayega.. documents complete hain, down payment cheque hai, 7 din mein aapke ghar ek nayi chamchamati hyundai i-20 hazir ho jayegi.." maine chehre pe smile laake kaha, shayad isse nidhi ka gussa kam ho jaata



"what.. 7 din, usse jaldi nahin hoga kya... i mean aane wale sunday ko.." nidhi ne fir apni aankhein badi karke kaha jisme doobne ko fir main aatur ho utha, lekin uska gussa yaad aate hi maine apne dil ko kaabu mein rakha



"dekhiye nidhi.. isse jaldi koi bank nahin karegi, aapke documents mein kuch mistakes hain choti choti, mere alawa koi aur aapko 7 din mein loan nahin kar dega.." is baar maine thoda serious hoke kaha jisse nidhi kuch soch mein pad gayi aur halki pareshani dikhi uske chehre pe



"anything special on sunday.." maine fir has ke nidhi se kaha



"uh, nope.. nothing... theek hai, 7 din.. aur kuch ho toh mujhe bata dijiyega pls.. this is my number.." kehke nidhi ne apna card mujhe diya



"no problem, thanks.." mere itne kehne pe nidhi apni jagah se uthi hi ke main fir uske samne khada ho gaya



"uh uh.. excuse me.... i am sorry, aap kuch lengi, coffee or tea.."



"no, thanks again.. bubye.." nidhi ne halki smile ke sath kaha aur wahan se nikal gayi.. abhi kuch doori pe nidhi pahunchi hi ke usne palat ke meri taraf dekha jahan main khada khada use hi jaate dekh raha tha, jaise hi nidhi palti, uski zulfein fir udke peeche hui aur uske chehre pe ek badi smile fel gayi aur ek baar fir jaate jaate hath hila ke alvida keh gayi..



Dusri subah jab main utha tab sab se pehle nidhi ke loan processing ke peeche pad gaya aur jab khayal aaya ke use gaadi sunday chahiye, toh bahut zor dene laga compliance officer ko aur dealer se milne pahuncha...



"arey gaadi pe on chal raha hai bharat bhai, upar se black color, 10 din waiting hai.. kaise de dun aapko 3 din mein.." gaadi ke dealer ne mujhse kaha jo meri jaan pehchaan ka tha



"arey dilip bhai, gaadi sunday hi chahiye client ko.. aur rahi waiting ki baat, on bhar deta hun main.. lekin gaadi sunday hi chahiye.. ab aap mana karenge toh kya karun main yaar.." maine jawaab mein kaha



"bharat bhai, yaar hai toh client hi, fir aap kyun on bharoge... mera matlab maalik ki meher hai aap pe, naukri na karo toh bhi zindagi bhar khate raho, lekin fir bhi, aisa kya khaas hai is client mein.." dilip bhai ne meri aankhon mein dekh ke kaha



"woh sab chodiye dilip bhai, yeh lo cheque mera sign kiya hua, jitna amount hai on ka, woh bhar dijiye, aur haan.. gaadi main deliver kar dunga, aap sunday mujhe call kar dena " kehke main bina kuch zyada kahe wahan se fir apni office nikal gaya, pehle socha ke nidhi ko khabar de dun lekin agle hi pal socha ke usko surprise diya jaaye.. bethe bethe main apni desk pe muskura raha tha jise mere dost ne dekh liya



"wah bhai, ladkiyon ko 25000 on do tum, aur humein ek daaru ke liye tarsao hain.." is awaaz se mera dhyan tuta toh saamne dekh main fir apne kaam mein lag gaya



"abey saale, abhi dilip bhai ka fone aaya tha, puch rahe the tere baare mein, dekh guru, dil ko sambhaal, nahin toh" itna kehke mera dost has ke wahan se nikal gaya.. Wednesday se leke saturday raat tak main bas dilip bhai ke call ka wait hi kar raha tha aur jab tak woh na aata tab tak bas nidhi ke pic ko dekhta rehta.. Sunday subah 8 baje dilip bhai ke call pe main jaldi uth ke taiyar hua aur gaadi lene chala gaya.. jaise hi gaadi ki chaabi mere hath mein aayi main wahan se nikla aur raaste se hi nidhi ko call kar liya



"yes, nidhi here... hello..." jaise hi maine phone pe yeh awaaz suni mera dil fir jhum utha, meri aankhon ke aagey fir uska chehra flash hone laga



"hellooo.. whos there.." is baar nidhi ne chilla ke kaha jisse main hosh mein aaya



"uh, yes, nidhi... bharat here from **** bank... am sorry, par kuch documents galat hain jisse gaadi ki delivery late hone wali hai, agar aap mujhe documents aaj de dengi toh fir time pe milegi delivery.." maine apni hansi ko dabate hue kaha



"what nonsense... aisa kaise.... tchhh, acha theek hai, aap ghar aa sako toh aa jao, aaj ghar pe hi hun.. address likho.." kehke nidhi ne apna address diya aur main jaldi se us address pe pahunchne laga.. jaise jaise main uske diye hue pate pe pahunch raha tha waise waise dil ki dhadkan tez aur ghabrahat badhti jaati... address pe pahunch ke maine nidhi ko fir call kiya aur use neeche aane ko kaha... call cut karke main saamne bani bench ke peeche chup gaya taaki jab nidhi is gaadi ko dekhe tab uska reaction dekh sakun.. jaise hi nidhi neeche aayi tab kisi ko naa pake usne apna phone hath mein liya hi ke uski nazar saamne padi gaadi pe gayi.. jaise jaise nidhi us gaadi ke kareeb aati waise waise uske chehre pe smile badhti jaati aur hairaani bhi dikhti.. jaise hi woh gaadi ke nazdeek aayi wind shield ke paas ek parcle utha ke dekhne lagi jisme congratulatory card aur cake rakha tha



"hmmm, aap sign liye bina hi chup gaye" nidhi ne bench ke paas aake kaha



"uh.. nahin , aise nahin.. woh toh just.." mere muh se koi shabd nahin nikal rahe the jab pata chala nidhi ne mujhe bench ke peeche chupa hua dekh liya



"thanks a lot for this surprise... main nahin janti thi ke bank wale khud delivery karne aate hain..." nidhi ne fir has ke kaha aur mai jawaab mein bas muskurata hi raha



"aap jaante hain gaadi aaj kyun chahiye thi mujhe..." nidhi ne mujhe fir dekhte hue kaha



"nai, but main janta hun aaj chahiye thi, isliye aaj hi leke aaya main..i hope ur not angry with the small prank i tried.."



"this is the loveliest thing mr.." nidhi kehke bas ruk gayi



"uh.. bharat.." kehke maine fir hath gaaye badhaya aur nidhi ne muskura ke use pakad liya... yeh aisa pal tha jahan fir mere dil ki dhadkanein tez ho gayi, meri aankhon ke aagey se sab ojhal hone laga, saamne bas nidhi hi dikh rahi thi, uski udti hui zulfein, uski badi badi baatuni aankhein, uska pyara sa masoom chehra, uske gulab jaise honth



"before you get lost somewhere, let me tell u aaj mere dad ka birthday hai.." nidhi ne chutki baja ke mujhe hosh mein laya aur main fir asli duniya mein aa gaya



"oh.. yes ofcourse, wish him on my behalf as well..." maine apna hath peeche kheench ke kaha



"upar chal ke tum hi kar do... neeche se kyun, coffee piyoge.." nidhi ne pehli baar mujhe tum kaha, badi achi feeling aa rahi thi, aisa lag raha tha jaise koi apna baat kar raha ho...



"uh nahin, am getting late... waise, if u dont mind.. can we have coffee outside please.." badi himmat karke maine nidhi se pucha, shayad yeh sawaal woh expect nahin kar rahi thi isliye pehle toh uske chehre ka rang badalne hi laga lekin fir agle hi pal muskura di



"theek hai, but i will pay, is it ok.." nidhi ki yeh baat sun main bas muskura diya aur hum wahin se paidal nikalne lage... chalte chalte kaafi baatein ki, kaafi jaana humne ek dusre ke baare mein, humein hosh hi nahin tha ke hum kahan jaa rahe hain, ke achanak woh bol padi



"lo, tumhare chakkar mein ghar se kitni door aa gayi, " nidhi ne aas paas dekhte hue kaha



"arey koi nahin, there is a coffee shop here.. tum apne papa ko call kar do , shayad woh chinta mein ho.."



"nope, ok hai, unhe surprise dungi gaadi ka.. waise yahan kahan hai coffee shop.." nidhi ne aas paas aankhein ghuma ke kaha , hum band stand tak pahunch chuke the walk karte karte, aas paas sirf pyaar karne wale log aur samundar ki lehrein thi



"aa jao mere sath.." kehke main nidhi ka hath pakda aur daud ke hum dono road cross karke samandar ke paas bane pathar pe beth gaye aur paas khade chai wale se chai keh di.. jitni der hum sath the bas baatein hi kiye jaa rahe the aur jab jab khamoshi hoti toh hamari aankhein hamare badle bolti



"i think we r getting late...chalna chahiye" nidhi ne dheemi awaaz mein kaha aur khadi hoke chai wale ko paise de diye... band stand se leke uske ghar tak ka safar kaafi khamosh tha, bas hamare dil ki dhadkanein hi aapas mein baat kar rahi thi, yeh shayad hum dono mehsus kar rahe the, tabhi toh chalte chalte hum dekh toh saamne rahe the lekin hamare honthon pe chaayi muskaan us waqt ko bayaan kar rahi thi



"good night..." nidhi ne bas itna hi kaha ke maine fir use rok diya



"nidhi, kal milein lunch pe..." jaise hi yeh sawaal mere lafzo se nikla mera dil maano kisi F1 car ki gati se bhi tez dhadak raha ho, aisa lag raha tha ke agar isne naa keh diya toh shayad mera dil yahin khade khade ruk jaayega.. jawaab ke intezaar mein kareeb 5 min tak main use hi dekhta raha, jawaab mein nidhi ne sirf ek smile di aur apne ghar chali gayi..



Agle din se hamari mulakaton ka kabhi na thamne wala silsila chalu hua, kabhi lunch, toh kabhi drinks, kabhi coffee toh kabhi dinner... hum har dusre din kisi na kisi bahane se milte aur jab bhi khamosh rehte, apni aankhon se baatein karte.. jaise jaise waqt badhta gaya waise waise hamare beeche mulakatein badhti gayi, baatein badhti gayi aur khamoshiyan bhi badh gayi... hum ab jab bhi milte, tab bas aankhon se hi baatein karte, palkein jhukane ko ikraar kyun kehte hain ab main samjhne laga tha, kyun ki mere har sawaal ka jawaab bas nidhi aankhon se hi deti.. jitne kareeb hamare dil aaye the utne hi kareeb hum bhi ek dusre ke aane lage the.. bandstand ho ya marine lines ya juhu beach.. hum jab bhi ek dusre ke sath paidal chalte, kabhi ek dusre ka hath nahin chodte, bin kahe ek dusre ki bhavnayein samajh jaate... lekin itna kuch hone ke baad bhi abhi tak pyaar ka ikraar nahin hua tha... three magical words, "I LOVE YOU" kisi ne nahin kahe the.. Mujhe aaj bhi yaad hai 13th february 2013 ki shaam jab yuhin ghumte ghumte main nidhi ke ghar ke neeche aa gaya tha uske sath



"acha, chalo bye...good night." roz ki tarah nidhi ne mujhe yeh shabd kahe aur ghar ki taraf badhne lagi



"uh nidhi, kal same time pe milte hain.. and kal kuch kehna chahta hun main tumse.. toh thoda jaldi aaogi please.." maine nidhi ka hath pakad ke use meri taraf kheechte hue kaha



"agar main nahin aayi toh.." nidhi ne fir has ke kaha.. Maine is baat ka koi jawaab nahin diya



"Alvida.. Bharat.." Nidhi ne ek dum dheemi awaaz mein kaha



"janam janam janam.. sath chalna yuhin, kasam tumhe kasam... aake milna yahin.. ek jaan hai bhale do badan ho judaa.. meri hoke hamesha hi rehna kabhi na kehna alvida...."


maine nidhi ka hath pakad ke yeh chand vakya kahe aur muskurata hua wahan se chala gaya.. jaise jaise main aagey badhta raha, waise waise nidhi meri aankhon ke aagey se ojhal hoti gayi.



14th February 2013...

ek saal pehle jab mujhe nidhi mili thi tab maine nahin socha tha ke main usse pyaar karne lagunga, lekin aaj jab ghar se nikla toh office pe bilkul bhi mann nahi lag raha tha, main bas ghadi mein 6 bajne ka intezaar kar raha tha aur vyaakul hoke idhar se udhar chakkar laga raha tha... jaise hi ghadi mein 5.50 hui, main jaldi se office se nikla aur band stand ki taraf gaadi dauda di... Feb ka mahina hone ke bawajood baarish shuru hui, is baat ko dekh kar dil bahut khush ho utha, dil ne kaha, chalo aaj propose bhi karenge toh kudrat ke is naayab tohfe ke sath.. theek 6 baje maine gaadi band stand pe park ki aur gaadi mein bethe bethe nidhi ka wait karne laga.. kareeb 10 min hue lekin nidhi nahin aayi, baarish ke chalte maine socha thoda bheeg lete hain, bahar aake maine baarish ka lutf uthane laga aur bheegne laga.. aas paas kaafi shor macha hua tha, samandar ki lehrein kaafi badh chuki thi, toofan zoron se chal raha tha, mausam shayad kharab hone wala tha, isliye main wapas gaadi mein aaya aur nidhi ko fir call kiya, lekin uska fone switch off paakar dil ghabrane laga.. dil ko mazboot kar ke fir main gaadi mein hi betha raha ke shayad mausam ki wajah se woh late hui ho, lekin jab 45 minutes ke baad bhi nidhi nahin aayi aur uska call nahin laga tab dil ki dhadkane badh chuki thi, mausam bhi mera sath nahin de raha tha, thodi der pehle jis mausam ko dekh dil khush tha, ab usi mausam ki wajah se dil ghabrane laga..



"nidhi theek toh hogi na..." maine khud se kaha aur agle hi pal gaadi start karke uske ghar ki taraf nikal gaya, jaise jaise gaadi nazdeek jaati, dil ki dhadkane tez hoti jaati, mann kamzor sa mehsus hone lagta, na jaane kaise kaise khayal aa rahe the lekin fir khud ko mazboot karke aagey badhte rehta.. kareeb 20 min ke baad jab nidhi ke ghar ke neeche pahuncha toh kaafi bheed thi, log ek bada sa ghera banaye hue khade the, jo dil pehle zoron se dhadak raha tha, ghabrahat ke maare uski gati ek dum kam ho gayi, yun lag raha tha maano kahin bandh hi naa padh jaaye.. maine flowers apne hath mein liye aur baarish mein bheegta hue aagey badhne laga.. ek ek kadam ek ek mile sa lag raha tha, jaise main bheed ke nazdeek pahuncha, bheed ko cheer ke aagey jaane ki himmat nahin ho rahi thi, lekin fir bhi dil ko mazbut banaya, use sthir karne ki koshish ki aur ek lambi saans leke do teen logon ke beech se guzar ke jab aagey pahuncha, toh saamne ka nazaara dekh dil kuch pal ke liye bandh ho gaya, saansein ruk gayi, main zinda lash ban gaya tha.. saamne nidhi ki body padi thi aur uske ird gird shayad uske gharwale the... mujhse raha nahin gaya aur jald hi aagey jaake jab use aakhri baar dekha toh main kamzor padne laga, khade khade toot chuka tha main, ghutno ke pal zameen pe gir ke main baarish ki bundon mein apne aansu bahane laga.. Nidhi jaa chuki thi



"hua kaise yeh..."



"iske dil mein ched tha, doctor ne use date toh 6 mahine ki di thi, lekin dekho kudrat ka karishma, pura ek saal usne zindagi jee hai apni.." maine padosiyon ko baatein karte hue suna.. jaise hi baarish kam hone lagi, log uski laash ko utha ke wahan se jaane lagey.. main abhi tak wahin zameen pe bethe bethe apne aansu chupane ki koshish kar raha tha... kehte hain agar insaan ko kisi cheez ki kami ho toh woh use zindagi ka maksad bana deta hai, lekin meri zindagi mein jis nidhi ki kami thi woh ab kabhi wapas nahin aa sakti.. jis bench pe pehli baar main nidhi se us ke ghar ke neeche mila tha, usi bench pe bethe bethe main nidhi ka intezaar karne laga lekin woh kabhi wapas nahin aayi..


13 february 2014...


"meri zindagi ka sabse khoobsurat din, nidhi aur mujhe mile aaj 2 saal ho gaye hain, jab nidhi nahin thi tab zindagi kaafi veeran thi, lekin jab se nidhi aayi hai tab se zindagi ke maayne hi badal gaye hain... nidhi ke aate hi ab main khush rehta hun, mom dad ki kami khalti hai kabhi kabhi, lekin nidhi mujhe hausla deke zindagi jeena sikha rahi hai.. haan, kal valentines wale din pe main use zaroor propose karunga, aakhir 2 saal ho gaye hain humein mile hue, main janta hun ke woh kabhi pehel nahin karegi, isliye ab main hi uske saamne ghutno pe beth ke flowers deke , uski god mein sar rakh ke usko propose karunga... Nidhi, kal theek 6 baje main tumse usi bench pe milne aaunga, please is baar time pe aa jana, nahin toh fir main naaraz ho jaunga.. aur haan tumhare fav kapde pehen ke aaunga, tum bhi dhyan rakhna is baat ka.." Bharat ne apni diary mein likha aur agle din nidhi ke ghar ke neeche bani usi bench pe jaa betha



"thanks nidhi for coming... pichli baar tum nahin aayi thi toh main darr hi gaya tha , lekin bhagwan ka shukr hai ke tum theek ho.. aaj do saal hue hain hamari mulaqat ko, isliye maine socha aaj dil ki baat kehne ka sahi mauka hai... par pehle keh dun, tum please naaraz nahin hona.. tum jab gussa hoti ho toh aur bhi zyada sweet ho jati ho, tumhari badi badi aankhein ek dum choti ho jaati hai jisse mera dil apne kaabu mein nahin rehta....Ek lambe pause ke baad maine dil ko thaama aur fir kaha... uh.. nidhi, i love you.. i want to marry you... will you be my partner for life..." Bharat ne bench pe nidhi ke rakhe hue photo ko dekh ke kaha aur ghutno ke bal beth gaya... Kuch der tak yuhin khamosh rehne ke baad... " Acha sorry, chalo tumhe bura laga toh, lekin tum yun aise naaraz rehke kuch nahin bologi toh dekho, mera yeh jo dil hai na woh toot jayega ok.. chalo ab ek smile karo please and hug me... come on hug me... hug me pls nidhi..." bharat ne photo se kaha aur bench pe apna sar tikka ke betha raha jaise woh nidhi ki godh mein sar jhuka ke betha ho

Jaise jaise din dhalta raha, waise waise andhere ne us jagah ko gher liya, bharat kaafi der tak wahin betha raha aur nidhi ke photo se ghanto baatein karta raha, shayad itni , jitni koi jeevit insaan se bhi na karta ho..



"Chalo nidhi... ab tum bhi ghar jao, kaafi andhera ho raha hai, papa shayad dhundh rahe honge tumhe..." bharat ne has ke us photo ko dekhte hue kaha aur bade hi pyaar se us photo ko apne dil ke kareeb , apni shirt ke pocket mein rakha aur apne ghar ki or wapas aa gaya.. Ghar aake sabse pehle usne apni diary nikali jisme usne nidhi ke sath bitaye har pal ko qaid kar rakha tha


"nidhi ne aaj bhi jawaab nahin diya, koi baat nahin lekin agle saal main usse zaroor jawaab lunga.. happy valentines nidhi..." Bharat ne apni diary mein likha aur muskura ke neend ki aaghosh mein chala gaya



Yours Forever
Bharat

Post Reply