valentine contest story - Yeh bhi muhabbat hai……

romantic stories collection, all English or hindi romantic stories, long romantic stories in English and hindi. Love stories collection. couple stories..
User avatar
admin
Site Admin
Posts: 1583
Joined: 07 Oct 2014 07:28

valentine contest story - Yeh bhi muhabbat hai……

Unread post by admin » 02 Feb 2016 08:49

Yeh bhi muhabbat hai……


Har pyar karne wale ki takdeer ek si kyu hoti hai..kyu saugat me dard aur tadap milti hai..kyu muhabbat ki dastan likhne wali kalam me syahi ki jagah ashq bhara hota hai.......aakhir pyar karne walon ki kismat me syah ratein aur ratjage likhte samay uparwale ko taras nahi aaya hoga? Bade hi behaini ke sasth ek saans me Ritika ne ye sare sawal Kushal se kar dale.....Kushal abhi tak poore dharya ke sath Ritika ka chehra dekh ra tha vo thandi aah bharte huye bola---


Kushal :-- Jane de na Ritu uski khudai uski marzi... Uski lekhni se koi takra nahi sakta hai...Tum pareshan na ho uparwale ne hamare liye kuchh bahut achha hi socha hoga .....

Ritika :-- hanji kush aap sahi kah re ho ,mai to bas ek baat kah rahi hoon.....


Kushal :-- Bhai waah ye bhi khoob rahi ..madam ji aaj kal sochne lagi hain ..ab kalyan jagat ka....(haste huye)..


Ritika :-- hadd hai ..Majjak na kariye kushh ...i m serious....


Ritika roothne sa face banakar samne ki wadiyon ka muayana karne lagti hai...charon ore hariyali hi hariyali thi ...Vo dono ek purane devi mandir ki pahadi par sabse unchi chattan par baithe huye the ....kafi unchai par hone ki vajah se yahan yato mannati aate the ya premi jode ....Ritika vismit hokar prakritik saundarya ko dekh rahi thi ..Kushal ritika ko bade pyar se dekh raha hai ye notice karke Ritika sharma jati hai aur Kushal ke seene me sir chhipa leti hai...Achanak se jaise Ritika ko kuchh yaad aya--


Ritika :-- Kushal tumko kaise pata chal gaya ki aaj mai ghar me akeli hoon ?


Kushal :--kaisa betuka sawal kar rahi ho ritu ...tumhari har saans ki khabar rahti hai mujhko .....


Ritika :-- Arree wah ji mai waari jaun ...huzur romantic ho rahe hain..... Hum prasanna huye ...mango kya mangte ho ? Ajj na nhi bolungi ......


Kushal :-- Pakka ,

Ritika :-- pakka ,

Kushal :-- baat se mukarogi to nhi ,

Ritika :-- Bilkul nahi,

Kushal :-- Kya tum mujhse shadi karogi ? ( behad sanjidgi ke sath )


Ritika :-- Haan kush mai shadi karungi....

Kushal :-- Aaj ,abhi isi vakt..........

Ritika :-- Mai taiyaar hoon....

Kushal :-- soch lo shadi byah koi bachhon ka khel nhi hai
hai,

Ritika :-- Mai bachchi nahi hoon ....

Kushal :-- Ohho to madam ab jawan ho gai hain... ( shararti muskan ke sath )

Ritika :- Shadi karni hai to chalo varna mera mood change ho jayega...


Ritika aur Kushal mandir ki ore chal dete hain ..mandir ke charon ore hariyali thi ..mandir ke prangan se hi sati hui 2 dukane thi , ek phool mala aur prasad ki doosri poojan samagri ki ..Ritika poojan samgri lene lagi aur Kushal pujari ji ke paas pahunch gaya . Ritika ne raani colour ka salwar kurti aur satrangi chunari daali hui thi...Saman lene ke bad Ritika vahin bane chabutre par baith gai aur uski nazr jakar kushal par tik gai ,kushal ne safed colour ka kurta paijama pahna tha ..bahut janch raha tha vo..
Ritika ko apni aur kushal ki pahli mulakat yaad aa gai .... Us din Ritika ke college ka pahla din tha ..vo apni class khoj rahi thi.. usne group me khade ladkon me se ek se poonchha .....


Ritika :-- Hiii, plz kya aap mujhe b.sc 1st year ki class bata sakte hain kya ?

Ladka :-- Haan haan kyu nahi , aap seedhe jaskar left ghhom jaiyega , vahan par staff room ke baaju me science classes hain ....

Ritika :-- Thank you so much,


Ritika un ladko ke dwara batai gai disha me
badh jati hai..achamk Ritika ko jhatka lagta hai ......samne toiket tha ...Ritika ka sharam aur gusse se bura haal ho jata hai ...unn ladkon ke hasne ki vajah se Ritika ko rona aa jata hai ..par usi vakt vahan par kushal aata hai aur Ritika se kahta hai ...
Kushal :-- Aap filme nhi dekhti hain kya ?

Ritika :-- Aap se matla ?

Kushal :-- Aree madam maine kya kiya ? Mujhpe kyu fire ho rhi ho ?

Ritika :-- Mujhe aapse koi bast nhi karni hai ( Aansuon bhari aankhk se un ladko ko ghorti hui )


Kushal :-- Mat kariye par samne walon ko jawab dena seekh lijiye .. vo jo aap par hans rahe hain unse kahiye ki ab apne un logon ko yahan tak ka rasta dikha diya hai ...next time apni mamma ko sath lekar aayein ..unki sari bahne apke jaisi dariyadil nahi hoti hain ...

Na jane kya jadu sa tha uski baton me Ritika ne thik vaisa hi kiya jaisa usne kaha tha .....vo ladke apna sa muh lekar chale gaye ....Ritika ki sharam choo mantar ho gai ....Ritika usase khasi prabhavit ho jati hai --


Ritika :-- You are awesome.. woohoo kya bhagaya hai un logon ko ..thank you so much .. Oops by the way I am Ritika ...(Haath aage badhate huye ,)


Kushal :-- i am kushal singh ... bsc. finl yr Mai yahin Raipur se hoon mai.....

Ritika :-- Omg mai bhi Raipur se hi hoon.....wow,


Ritika aur Kushal kafi der tak batein karte rahe (ji haan kahi aur jakar ), mulakaton ka silsila chal nikla .. aur na jane kab pyar ho gaya ... Ritika ko ek bat hamesha pareshan karti thi ke log na jane kyu un dono ko ajib najron se dekhte the ...... khair Kushal use yahi samjhata ke logo ki parwah na karo ......

Rituuu..........apna naam sun kar Ritika vartman me laut aati hai ..samne kushal khada tha ....


Kushal :-- kahan kho gai madam ?

Ritika :-- kahi nahi .........chalein andar ,


Kushal :-- nahi yaar , pujari ji bol rahe abhi unke paas vakt nhi hai .... ( bahut dukhi hokar ) ,


Ritika :-- hainnnn aise kaise yaar .... (acharaj se ) .......chalo koi nhi ... bhagwan to sabhi ke hote hain ...ham khud hi shadi kar lete hain......

Usi samay Tata safari aakar rukti hain ......usme se 2 log utar kar mandir ki ore tez kadmo se aate hain ....raste me pujari ji se baat karte hain , vo lagataar Ritika ki ore dekh rahe the ... Jo adhik umra ke sajjan the vo Ritika ki ore aa jate hain , dusra banda jo kam ura ka tha vo call lagakar kisi se baat karne lagta hai ..

Hallo mai karan pratap singh bol raha hoon kya dr. Rajesh ji se baat ho sakti hai..

Dr. Rajesh:-- haan karan bolo kya bat hai..itne ghabraye huye kyu ho ? Sab theek to hai na ?

Karan :-- kuchh theek nhi hai sir .... Ritika ko lekar aa raha hoon apke pass.......

Dr. Rajesh :-- ohh sab .... please come .....i am waiting...

Karan ne call disconnect ki aur tezi Ritika ki ore bhaga ..... Ritika lagatar un sajjan se bahas kar rahi thi .....papa please samjhne ki koshish kijiye ? Mai Kushal se bahut pyar karti hoon ..mai iske bina nhi rah paungi ....plz papa mai apke pair padti hoon , hame alag mat kijiye papa plz.....Kushal tum chup kyu ho ? Plz papa ko samjhao na ...


Ritika ke papa roye ja rahe the .....unka chehra aansuon se poori tarike se bheeg gaya tha , jab Ritika bhagne ki koshish karne lagi aur jor jor se chikhne lagi to karan ne Ritika ko ek jordar tamacha rasid kar diya .........jitane bhi log the aas pas jama hokar tamasha dekhne lage.....Ritika ka rona aur chikhna achanak tham sa gaya jab bo behosh kokar apne papa ke upar ludhak gai .......


Vo sab Ritika ko lekar Dr. Rajesh ke paas bhage .....thodi hi der vo sab SANJIVANI HOSPITAL ke samne the .. ye hospital Dr. Rajesh aur Dr. Kavita ka tha ...
Dr . Rajesh Raipur ke sabse mashoor aur mahnge doctor the......Karan Ritika ko utha kar teji se Dr. Rajesh ke cabin ki ore bhaga.......Dr. Rajesh aur Dr. Kavita Karan ka wait kar rahe the .......Ritika ko Dr. Rajesh aur Dr. Kavita ne Ritika ko poori tarah examin kiya aur use ward me shift kar diya gaya .........

sabhi ke bahar jane ke bad jab Ritika ko hosh aaya to apne paas kushal ko baitha dekh usne rahat ki saans li ,


Ritika :-- thank god kush tum paas ho mai bahut dar gai thi...ek baat batao kush papa aur bhaiya ne tumko kuchh kaha to nhi na..bolo na jaan ., sab theek hai na baby?


Kushal :-- Nahi ritu papa aur karan bhai ne mujhe kuchh bhi nhi kaha ...mai un logon ke hi sath to aaya hoon .,


Ritika :-- Ohh thank god .,baby mai bahut khush hoon ...par agar papa aur bhaiya ne jab itni asani se maan hi jana tha to itna hangama kyu machaya.,khair....


Ritika behad pyar se Kushal ki bahon me sama jati hai,Kushal ke agosh me hamesha use sukun milta hai.kushal ka pyar uske vajood par chha chuka tha.Kushal ke pyar ke bina jeene ki kalpna karna bhi ab Ritika ke liye maut ke barabar dardnak tha..ek santushti uske chehare par dikh rahi thi...Doosri ore Dr . Rajesh ke cabin me ------

Dr . Rajesh :-- Mr . Singh maine Ritika ke sare test karwa liye hain aur jitni bhi batein apse aur pujari and Ritika ke doston se pata chali hai uske anusar mujhe ye case
schizophrenia ka lag raha hai.

Dr . Kavita :--yupp this is a long-term mental disorder of a type involving a breakdown in the relation between thought, emotion, and behaviour, leading to faulty perception, inappropriate actions and feelings, withdrawal from reality and personal relationships into fantasy and delusion, and a sense of mental fragmentation.

Dr. Kavita ki baat sun kar Ritika ke papa ke pairon ke tale se jamin khisak gai...vo apna rona nhi rok paye .jabaki Karan ne kaha..

Karan :-- Dr. Kavita plz samjhaiye mai nhi samjh...


Dr. Rajesh:-- Karan Schizophrenia ek brain disorder hai . Iss rog se peedit vyakti aisi chizon ko dekhta aur sunta hai jo astitwa me hoti hi nhi hain..arthat hamesha bhram ka shikar rahta hai ...vo hamesha hi confusing or strange ways me baat karta hai....yah rog Kisi person ke behavior , thinking and aur duniya ko dekhne ke nazriya ko prabhavit karta hai..
Kushal koi nhi hai , vo kewal Ritika ke dimag ka bhram hai ..Ritika use dekhti hai, bat karti hai aur usase beinteha pyar karti hai..pyar pagalpan ki hadd tak hai ..par hamare aur apke liye Kushal koi hai hi nhi ...vo is duniya me paida hi nhi hua hai ..kewal Ritika ke dimag ne paida kiya hai...


Dr . Kavita :-- People with schizophrenia believe that others are trying to harm them, or feel like they’re being constantly watched. This can make it difficult to negotiate the activities of daily life, and people with schizophrenia may withdraw from the outside world or act out in confusion and fear.


Dr. Rajesh :-- Dukh ke sath kahna padd raha hai ki Ritika ek prakar ke mansik rog ka shikar ho gai hai ..iska ilaj sambhav hai par india me utni kushalta se nhi kiya ja sakta hai.. Aap log samarth hain mai yahi kahoonga ke aap Ritika ko videsh le jaiye .,


Ritika ke papa :-- Haan Rajesh ji ..mai apni beti ka ilaj karaunga ...mai duniya ke kisi bhi kone me le jaunga apni beti ko.. Apni aulad ko yun til til kar marne nhi dunga ..apna ruan ruan bench donga par apni princess ko kuchh nhi hone doonga ...
fafak fafak ke ro pade Ritika ke papa...sach hi kaha hai kisi ne ki aulad ke dukh se bada koi dukh nhi hota hai..


Karan :-- Papa aap pareshan na hoiye ...hamari chhutki ko kuchh nhi hoga...sari duniya ek kar doonga..

Dr. Rajesh :-- mr . Singh mera ek dost hai jo A****** me dr. hai vo apki madat kar sakta hai ....mai apko uska address and no de deta hoon.

Karan :-- Ji sir plz de diziye ...mere chacha ji bhi vahi rahte hain ..mai unse bat karke sara intezam karwa leta hoon. Ritika aur mammi ko treatment tak vahin chhod ayenge agar ilaj me samay laga to...

Dr. Rajesh :-- Ye bilkul theek rahega karan ... All the best ... Mai tumhare sath hoon ...

Ritika ko lekar sham tak sabhi ghar vapas aa jate hain ..Dr. Rajesh ke dwara diye gaye no. Par bat karke karan aur Ritika ke ma baap Ritika ko lekar videsh chale jate hain ... Ilaj lamba chalna tha to Ritika aur uski ma ko chhod kar Karan aur Ritika ke papa vapas aa jate hain...


6 Mahine baad
*******************************

aj Ritika ke ghar sabhi bahut khushh the ..aaj A6 Mahine ke baad Karan Ritika aur ma ko lekar A****** Se wapas aaya tha..Ritika theek ho gai thi ,ghar me jashn ka mahol tha..Ritika ke ma baap bahut khush the aur Ritika ko pyar dular kar rahe the ..

Ritika :-- Papa mai bahut thak gai hoon . Mai aaram karna chahti hoon .


Ritika ke papa :-- Jao beta apne kamre me jakar aaram karo .

Ritika :--- Ohk papa ..

sabhi Ritika ko jate huye dekhte hai . . . Sabhi ke chehron par sukoon tha. Ritika apne kamre me pahunch kar darwaja band karti hai aur lagbhag bhagte huye balkani me jati hai ...niche dekhati hai ..Kushal niche khada hua tha .,Ritika kahti hai ..


Ritika :-- Sorry jaan ...ulajh gai thi koi aane hi nhi de raha tha .. Kusal plz gussa na ho jaan ..kushal I love you sweet heart ...plz kushal dont go...Kushal jo tum bologe mai karungi ..plz mujhe saath lelo ...

kkkuuuuusshhhhhaaaalllllllll....


Ritika ki cheekh sabka dhyan apni ore khinchti hai . Sab bethasha bhagte huye Bahar jaate hain ..niche Ritika padi thi ..bedam ..vo ja chuki thi kushal ke sath . Ab koi nhi rok sakta tha..


Theme : --

(Sometimes Love can baffle You)

Post Reply